ИИМ: "Акча талап кылуу үчүн бала уурдоо окуясы акыркы жолу 2015-жылы болгон"

Өлкө аймагында бала уурдоо фактысы акыркы жолу 2015-жылы катталган. Бул тууралуу бүгүн, 12-апрелде парламенттин көпчүлүк коалициясынын отурумунда ички иштер министри Кашкар Жунушалиев билдирди.

"Акча талап кылуу максатында бала урдоо фактысы кечээги окуяга чейин 2015-жылдан бери катталган эмес. 2001-жылдан бери издөөдө 34 бала жүрөт. Алар үйүнөн чыгып, кайтып барбай калгандар", - деди Жунушалиев.

Кечээ, 11-апрелде саат 8:40 чамасында Кант шаарында белгисиз адамдар 12 жаштагы баланы таксиге салып уурдап кетишкен. Кийин ал жана аны уурдагандар кечки саат 21:30 чамасында шаардын чекесинен табылган. Мындан сырткары, 4-апрелде Жалал-Абадда 7 жаштагы бала уурдалып, кийин өлтүрүлгөнү маалым болгон.