Агрардык университетинин жамааты питомникти рейдерлик басып алуу аракети болуп жатканын айтты

Бишкек шаарындагы Кыргыз улуттук агрардык университетинин “Агрономия жана токой чарба” факультетинин жамааты кайрылуу жасады. Алардын айтымында, бактар жана өсүмдүктөр багылып өстүрүлүүчү питомниктин аймагынын бөлүгүн рейдерлик жол менен басып алуу аракети жүрүп жатат.

“Бул питомникте студенттерибиз практикалык билим алышат. Ал 1963-жылдан тарта окуу жайдын маанилүү бөлүгү. Учурда теорияны интернеттен эле окуп үйрөнсө болот, бирок көчөт өстүрүү боюнча ыкмаларды үйрөнүү үчүн бул питомникке келишет”, - дейт факультеттин жетекчилиги.

Агрардык университетинин ректору бул маселе боюнча билдирүү жасай элек.