Ноокенде жардан кулаган жаран бир күндөн кийин табылды. Абалы туруктуу

Жалал-Абад облусунун Ноокен районунда жардан кулаган жаран куткарылып, абалы туруктуу. Бул тууралуу ӨКМнын басма сөз кызматы билдирди.

Белгилүү болгондой, 15-апрель күнү түнкү саат 11:25те Жалал-Абад облусунун Ноокен районуна караштуу Тоскоол айылынын Алаш тоосунда 41 жаштагы М.И. аттуу эркек кишинин жардан кулагандыгы тууралуу маалымат түшкөн. Кырсык болгон жерге ӨКМнын Ноокен райондук бөлүмүнүн куткаруучулары барышып, саат 02:40ка чейин издөө иштерин жүргүзүшкөн, бирок табылган эмес.

Бүгүн, 16-апрель күнү Ноокен райондук №55 өрт-куткаруу бөлүмүнүн куткаруучулары тарабынан таңкы саат 06:15те издөө иштери улантылып, саат 07:40та жабырлануучуну табышкан. Куткаруучулар жардан кулаган жаранды тоодон алып түшүп, саат 10:00дө туугандарына өткөрүп беришкен, абалы канааттандырарлык. Ал эми жаран бутун кокустатып алган.