Өзгөндө жандандыруу бөлүмүндө жатып каза болгон эркек кишинин жакындарын милиция издейт

Ош облусунун Өзгөн шаарындагы оорукананын жандандыруу бөлүмүнө 55-60 жаштагы эс учун жоготкон абалда жеткирилген эркек кишинин жакындарын милиция издейт. Бул тууралуу Ош ОИИБинин басма сөз кызматы билдирди.

Маалыматка ылайык, 15-апрель күнү саат 16:00 чамасында аты-жөнү белгисиз, кебетеси азиялык болгон эркек киши ооруканага келип түшкөн. Ал жаран жандандыруу бөлүмүндө өзүнө келе албай каза болуп калган.

Сурамжылоо иштерин жүргүзгөн учурда, бул жаран Өзгөн шаарынын аймагында күнүмдүк жалданма жумуш менен алектенип, устачылык кылып келген. Атын тургундарга Айтибай деп тааныштырган. Анын кайсы жердин тургуну экендиги жана аты-жөнү толук аныкталбай жатат.

Өзгөчө белгилери: дене түзүлүшү арык чырай, чачын ак баскан, бою болжол менен 165-170 сантиметр, жүзү кара тору, көзү көгүш, алдыңкы 3 тиши сары металлдан салынган. Эки көзүнүн үстүндө калдары бар.

Эгерде сүрөттөгү жаранды таанып-билгендер болсо, төмөндөгү телефондорго кабарлап коюуну Ош ОИИБи сурайт.

Байланыш телефондор: 0(3233) 5-06-36, 0777-00-29-24, 0778-48-63-58.