Бүгүн парламентте 2020-2022-жылдарга карата өлкөнүн Бюджеттик резолюциясы каралат

Бүгүн, 19-апрелде Жогорку Кеӊеште 2020-2022-жылдарга карата Кыргыз Республикасынын Бюджеттик резолюциясы талкууланат. Бул тууралуу парламенттин басма сөз кызматы билдирди.

Маалыматка ылайык, коомдук талкууда 3 баяндама жасалат. Алардын темалары:

1. "Кыргыз Республикасынын 2020-жылга Бюджеттик резолюциясы жана 2021-2022-жылдарга болжолунун долбоору жөнүндө". Баяндамачы Динар Турдумалиева, “Жарандардын катышуусу менен күчтүү парламенттик демократия” долбоорунун бюджет мыйзамдуулугу жана финансы боюнча эксперти.
2. "Кыргыз Республикасында макроэкономикалык тренддер жана жергиликтүү бюджеттердин көйгөйлөрү". Баяндамачы Гурас Жапаров, Кыргыз Экономикалык университетинин Финансы жана кредит кафедрасынын башчысы.
3. "Кыргыз Республикасынын финансы саясатынын айрым маселелери". Артем Краснов, Кыргыз-Орус Славян университетинин Финансы кафедрасынын доценти.

Коомдук талкуу саат 15:00гө дайындалды.