Германияда эгиздердин бири 97 күндөн кийин төрөлдү

Германияда эгиз ымыркайлар 97 күн айырмачылык менен төрөлдү. Мындай окуя Кёльн шаарында болгонун чет элдик басылмалар жазып чыкты.

Аталган шаардын Оксана аттуу тургуну кош бойлуулуктун 6-айында суусу кетип, ооруканага кайрылган. Дарыгерлер кесарево жолу менен ымыркайды аман алып калышкан. 6 айында жарыкка келген ымыркай 900 грамм салмакта төрөлүп, ага Лиана деген ысым ыйгарылган. Кызыгы дарыгерлер эгиздердин бирөөсүн гана эненин курсагынан алып чыгышкан. Ал эми экинчисин айы-күнү жеткенде төрөлсүн деп калтырып коюшкан. Эгиздин түгөйү ай-күнү келгенде 3 килограмм 700 грамм салмакта төрөлүп, ага Леони деген ысым ыйгарышкан.

Лиана 2018-жылдын 17-ноябрында төрөлсө, Леони 2019-жылдын 22-февралында төрөлгөн.

Буга чейин 2012-жылы Ирландияда эгиздер 87 күн айырмачылык менен төрөлгөнү жазылат маалыматта.