Быйылкы жаңы окуу жылында 45 жаңы мектеп ишке берилет

Кыргызстанда 2013-2014-окуу жылында 45 жаңы мектептин курулушу аяктап, ишке берилет. Маалыматты билим берүү жана илим министри Канат Садыков 29-июлда өткөн кеңешме-жыйында билдирген. Айтымында, өткөн аптада атайын жумушчу топтор аймактарга жөнөтүлүп, мониторинг жүргүзүлүп жатат. Министр учурда курулушу бүткөн имараттарды кабыл алуу жүрүп жатканын кошумчалап, “26-августта өтүүчү өкмөттүн жыйынында жаңы окуу жылга болгон даярдыктар тууралуу маселелер каралат”,- деди.