Ош. Шаар башчысы унаа базарындагы курулуш иштерин бүтүрүүгө 1 ай мөөнөт берди

Ош шаарынын мэри мелис Мырзакматов бүгүн, 30-июлда жаңы унаа базардагы курулуш иштери менен таанышып, аларды бүтүрүүгө 1 ай убакыт берди. Мэриянын басма сөз кызматы билдиргендей, унаа базарга вице-мэр, шаардык кеңештин депутаттары жана шаардык муниципалдык ишканалардын жетекчилери да барышты. “Каражат бөлүп беребиз. Базарга караштуу көпүрөнү, кире бериштеги дарбазаны бүтүрүп, жарык берүүчү лампаларды коюп, түркүктөрдү орнотуу үчүн 1 ай убакыт берилет”,- деди шаар башчы.