Ишкер: "Түзүлө элек келишим үчүн адамдардын камалганын кандай түшүнсө болот?"

"Түзүлө элек келишим үчүн адамдарды камап жатканын кандай түшүнүүгө болот?" деген суроону бүгүн, 22- апрелде "Мамлекеттик сатып алуу. Санариптештирүү. Улуттук коопсуздук" аталыштагы жыйында ишкер Жылдыз Базакеева койду.

Жыйындын жүрүшүндө жакында камакка алынган Мамлекеттик каттоо кызматынын жетекчисинин орун басары, статс-катчысы жана Инфоком ишканасынын жетекчиси кармалганына байланыштуу УКМК жүргүзгөн иштери талкууланды.

"Мамлекеттик сатып алуу системи менен 18 жылдан бери таанышмын. УКМК түзүлө элек келишимди негиз кылып 3 жаранды камап жаткандарын кандай түшүнүүгө болот? Бул окуядан кийин системде иштеп келген кызматкерлер иштегиси келбей калгандарын жашырбай калышты. Бул жерде мыйзам бузулуп жатат. Бүгүнкү жыйынга катышып жатканыбыздын себеби бул окуя боюнча өзүбүздүн позициябызды билдирүү. Бардыгы ачык-айкын болгону айрымдарга жакпай калды окшойт. Мындан улам камалган адамдардын ордуна башкаларды коюп, өздөрү каалагандай иш жүргүзүүнү көздөп жаткандай", - дейт Базакеева.