Венгриялык депутат "каада-салтын сыйлаган кыргыз улутундагыдай бир да улутту көргөн эмесмин" дейт

30-июлда Бишкекте өткөн маалымат жыйында Венгрия парламентинин депутаты Ференц Папчак  

“Кыргыздардай болуп улуттук жомокторун, эпосторун, каада-салтын сыйлап, сактап келген улутту эч жерден жолуктурган эмесмин” деди. Анын айтымында, ар бир улут өз ар-намысын, ата-бабаларын, тарыхын сыйлаганда гана өнүгөт. Ал "Манас" эпосуна өзгөчө маани берерин айтты. Айта кетсек, Папчак өз кезегинде "Манас" эпосун венгер тилине которууга демөөрчү болгондордун бири.