"Кыргызгаз" "Газпромго" сатылганы менен, газдын баасын кыргыз тарап бекитет

“Кыргызгазды” “Газпромго” сатуу тууралуу макулдашуу ратификация болгондон кийин калк үчүн газдын бааларын Кыргызстан белгилейт. Бул тууралуу “Кыргызгаз” ишканасынын башкы директору Тургунбек Кулмурзаев бүгүн, 30-июлда маалымат жыйында билдирди. “Баа саясатын Монополияга каршы комитет менен биргеликте кыргыз тарап бекитет”,- дейт Т.Кулмурзаев. Айта кетсек, 26-июлда Кыргызстан менен Орусиянын энергетика министрлери өкмөттөр аралык келишимге кол коюшкан. Буга ылайык, ишкана Кыргызстанды тынымсыз газ менен камсыз кылууга милдеттендирилет.