“Кыргызгаздын” сатылышы саясий чечим болду" дейт ишкананын директору Тургунбек Кулмурзаев

“Кыргызгазды” сатып алууну каалаган сатып алуучулар болгон эмес. Мунун эч кимге кереги жок. Керек болсо 5 тыйынга эч ким сатып албайт. Анын сатылышы президенттер Алмазбек Атамбаев менен Владимир Путиндин саясий чечими болду”. Мындай пикирди аталган ишкананын башкы директору Тургунбек Кулмурзаев бүгүн, 30-июлда маалымат жыйында билдирди. Ал күз айларында Жогорку Кеңештин депутаттары өкмөттөр аралык келишимди ратификациялоону ишке ашырарына ишенерин айтты.