Баткенде Жеңиш күнүнө карата 4 мамлекеттен 117 өспүрүм катышкан фестиваль өтөт

Баткенде Жеңиш майрамына карата 4 мамлекеттин өспүрүмдөрү катышкан фестиваль өтөт. Бул тууралуу SUPER.KG`ге Баткен шаардык Маданият бөлүмүнүн башчысы Равшанбек Бадалов билдирди.

Маалым болгондой, "Жаш таланттар достугу" аталган фестивалга Казакстан, Өзбекстан, Тажикстан жана Кыргыз өлкөсүнөн 9 жаштан 16 жашка чейинки 117 өспүрүм катышат.

"Чыгармачыл жаш таланттардын фестивалы шаардык администрациянын демилгеси, ЮНИСЕФ уюмунун колдоосу менен 15-майда Апаз Жайнаков атындагы облустук драма театрында өтөт. 16-майда конокторго Алмалы жайлоосу менен Суу-Башы капчыгайын көрсөтөбүз. Достук фестивалы "Манас" ордосун кыдыруу менен жыйынтыкталат. Катышуучуларга атайын белектер тапшырылат", - деди Бадалов.

Маданият бөлүмүнүн башчысы Казакстан, Өзбекстан жана Тажикстандан 20дан бала, ал эми Кыргыз өлкөсүнөн 57 бала фестивалга катышарын кошумчалады.