ТЕСТ: "Жеңил барып, оор кел!" Мигрант болууга камданып жаткан мекендештер үчүн тест

Депортация - бул мамлекеттин аймагынан чет өлкөлүк жаранды административдик чыгарып салуу. Эгер мигрант чет өлкөнүн аймагында жүрүү тартибин же мыйзамдарды бир нече жолу бузса ага карата депортация эрежелери колдонулат. Мөөнөттү сот аныктайт.

Аскер тилинде "жүк 200" деген түшүнүк аскер кызматкеринин сөөгү көмүлө турган жайга учак менен ташып келүүдө колдонулат. Бүгүнкү күндө "жүк 200" деп салмагы 200 килограммга чейин табытка салынган маркумдун сөөгүн ташууда айтылат. Табыт учак, поезд же атайын унаа менен ташылышы мүмкүн.

Эмгек картасы - Чехияга барып иштөөгө уруксат берген документтин жаңы түрү. Анын максималдуу мөөнөтү - 2 жыл. Кийин аны узартса болот. Эгер мигрант белгиленген мөөнөткө чейин иштен чыкса, анда эмгек картасы жараксыз деп табылат.

Шенген визасы - шенген аймагына кирген өлкөлөргө кирүүгө уруксат берген документ. Шенген аймагына Европанын 26 мамлекети кирет. Мөөнөтү боюнча шенген визасы экиге бөлүнөт: кыска мөөнөттүү (90 күнгө чейин) жана узак мөөнөттүү (90 күндөн ашык).

2019-жылдын январь-февраль айлары Кыргыз өлкөсүнө мигранттардан 344,6 миллион доллар которулган. Бул акчанын 90 пайызы (338,3 миллион доллар) Орусиядан келген. Экинчи орунда АКШ (4,3 миллион доллар). Калган өлкөлөрдөн 1,9 миллион доллар которулган. 2018-жылы ичинде мигранттар Орусиядан мекенине 2,67 миллиард доллар жөнөтүшкөн.

Кыргыз Республикасынын АКШдагы элчилигинин маалыматы боюнча, АКШда 4 миңге жакын Кыргыз жараны катталган. Бирок бул сан чыныгы көрсөткүчтөн алыс, анткени элчиликте катталуу милдеттүү эмес. АКШдагы Кыргыз коомдук борборунун маалыматы боюнча 2018-жылга карата бул өлкөдө 30 миңге жакын Кыргыз жараны бар.

Кыргыз-Түркия мамлекеттер аралык келишимдерге ылайык, Кыргыз жарандары Түркияда 90 күн визасыз жүрө алат. Бул мөөнөт бүткөн соң виза алуу керек.

Депутаттар жана мамлекеттик кызматчылар дипломатиялык же кызматтык паспорт менен чет мамлекеттерге чыга алышат. Чет өлкөлөрдүн аймагына кирүүнүн жана анда болуунун тартиби тийиштүү чет мамлекеттин мыйзамына жана эл аралык келишимдерге ылайык жөнгө салынат. Мындай документ 5 жылга берилет. Аны кызматтык иш сапарларга гана пайдалануу кажет.

Кыргыз өлкөсүндө Чехиянын элчилиги жок, бирок консулдугу бар. Ал Бишкек шаарында Орозбеков көчөсү 52-54 дарегинде жайгашкан. Ал эми Чехиянын Казакстан жана Кыргыз Республикасы боюнча элчилиги Нур-Султан шаарында жайгашкан.

Кыргыз Республикасынын тышкы иштер министри 41 жаштагы Чыңгыз Айдарбеков Кыргызстандын тунгуч башчысы Иманалы Айдарбековдун (1894-1938) небереси. Ал өз заманынын билимдүү, жаңычыл көз караштагы, демилгелүү мамлекеттик жана коомдук ишмерлеринин бири болгон. Айдарбековго "эл душманы" деген айып тагылып, 1938-жылы атылган.

2019-жылдын 1-апрелинен тартып Орусиянын жарандары жана өлкө аймагында жашап жаткан эмгек мигранттары массалык түрдө кызылча дартына каршы эмдөөдөн өтүүгө милдеттендирилишти. Эмдөө иши 2019-жылдын 1-октябрына чейин улантылат.

Иммигрант - бул кайсы бир мамлекетке туруктуу же узак мөөнөткө жашоого кеткен чет өлкөлүк жаран. Бул түшүнүктү "эмигрант" деген сөз менен аралаштырбоо керек. Эмигрант - бул мекенин таштап, башка мамлекетке көчүп кеткен жаран.

Эгер жаран мекенинде куугунтукка кабылса же куугунтукка кабыларынан корксо, ага АКШда саясий баш паанек берилет. "Саясий качкын" статусун АКШнын аймагында болуп гана алуу мүмкүн. Эгер АКШда саясий паанек алган жаран мекенине кайтса, ал "саясий качкын" статусун жоготот.

Кыргыз Республикасынын жарандары Малайзиянын аймагында 90 күнгө чейин визасыз кирүү укугун пайдалана алышат. Казакстандын жана Орусиянын жарандары үчүн бул мөөнөт 30 күн.