Шашылыш билдирүү! Өлкөнүн бийик тоолуу райондорунда кар жаашы күтүлөт

30-апрелде жана 2-3-май күндөрү өлкөдө туруксуз аба ырайы күтүлүп, абанын температурасы төмөндөйт. Бийик тоолуу райондордо кар жаашы мүмкүн. Бул тууралуу ӨКМнын басма сөз кызматы маалымдайт.

Маалыматка ылайык, республиканын аймактарында мезгил-мезгили менен жаан жаап, бийик тоолуу райондордо кар жаашы, тоо этектеринде жаан-чачын катуу жаашы күтүлөт. Батыштан соккон шамалдын ылдамдыгы секундасына 4-9 метрден, кээ бир райондордо шамалдын ылдамдыгы секундасына 15-20 метрге жетиши күтүлөт.

Күтүлүп жаткан нөшөрлүү жаан-чачынга байланыштуу республиканын тоо этектериндеги райондорунда сел жүрүү коркунучу бар.

Мындай туруксуз аба ырайы айыл чарба иштерин, унаа, энергетика жана коммуналдык кызматтардын ишин жана жайыттарда малды кармоону кыйындатат.