Шашылыш билдирүү! Жаан-чачынга байланыштуу тоолуу райондордо сел жүрүшү мүмкүн

3-майга чейин күтүлүп жаткан нөшөрлүү жаан-чачынга байланыштуу республиканын тоолуу райондорунда сел жүрүшү мүмкүн. Буга байланыштуу арыктарды, суу өткөрүү түтүктөрүн жана ошондой эле дренаждык түйүндөрдү тазалоо иш-чараларын жүргүзүү зарыл. Бул тууралуу ӨКМнын басма сөз кызматы билдирди.

Өлкө аймагында жакынкы 4 күн аралыгында туруксуз аба ырайы күтүлөт. Мезгил-мезгили менен жамгыр жаап, бийик тоолуу райондордо кар жаашы, тоо этектеринде жаан-чачын катуу жаашы мүмкүн. Батыштан соккон шамалдын ылдамдыгы секундасына 4-9 метрден, кээ бир райондордо шамалдын ылдамдыгы секундасына 15-20 метрге чейин жетет.

Мындай туруксуз аба ырайы айыл чарба иштерин, унаа, энергетика жана коммуналдык кызматтардын ишин жана жайыттарда малды кармоону кыйындатат.