"Акча уурдадың" деп таякеси унаасына сүйрөткөн баланын атасы каза болуп калган

Бишкекте "акча уурдадың" деп таякеси унаасына сүйрөткөн баланын атасы каза болуп калган. Бул тууралуу бүгүн, 30-апрелде SUPER.KG порталына шаардык милициядан билдиришти.

Белгилүү болгондой, балага аёосуз мамиле жасаган таякеси соттун чечими менен үй камагына чыгарылган.

“Алдын ала берилген маалыматтарга ылайык, баланын атасы каза болуп калган. Анын апасы иштөө үчүн баласын туугандарына калтырып Орусияга кеткен. Ал туугандарынын колунда канча убакыттан бери болгону, ага кандай мамиле жасалып келгенин, мектепке барып же барбай жүргөнү учурда аныкталууда. Бул окуя боюнча тиешелүү мекемелердин кызматкерлери териштирүү иштерин жүргүзүүдө”, - деп билдиришти милициядан.

Окуянын чоо-жайына кайрылсак:

Окуя 27-апрель күнү Алтын-Казык жаңы конушунда эртең мененки саат 8:00 чамасында орун алган. Анда таенесинин акчасын уурдады деп 9 жаштагы баланы таякеси унаасына жип менен байлап, бир нече метрге чейин сүйрөп барган. Балага мындай аёосуз мамиле кылганын көргөн кошуналары милиция кызматкерлерин чакырышкан.