Чемпиондор Лигасы: "Барселона" 3:0 эсеби менен "Ливерпулду" жеңип алды

2-майга караган түнү Чемпиондор Лигасынын жарым финалынын алкагында "Барселона" менен "Ливерпуль" командалары беттешти. "Барселонанын" футболчулары атаандаштарын 3:0 эсебинде жеңип алышты.

Испанияда өткөн оюндун 26-мүнөтүндө Луис Суарес эсепти ачты. 75-мүнөттө Лионель Месси гол киргизип, эсепти 2:0 кыла алды. Ошондой эле 82-мүнөттө дагы бир гол жаратып эсеп 3:0 болду.

Аргентиналык футболчу дубль жасап "Барселонадагы" карьерасында аткарган голдорунун санын 600гө жеткирди. Мындан сырткары бул футболчунун капитан катары ойногон жүзүнчү беттеши болуп калды.