Жеңиш күнүнө карата көк бөрү боюнча өлкө биринчилиги өтүп жатат

9-Май - Жеңиш күнүнө карата көк бөрү боюнча өлкө биринчилиги өтүп жатат. Мелдеш Ош жана Ысык-Көл облустарында өтүп жатканын Жаштар иштери, дене тарбия жана спорт мамлекеттик агенттиги билдирди.

Ат оюндары 4-майда башталып, 9-майда жыйынтыкталат. Биринчи лигада 16 команда ойнойт.

4-майда оюн талаасына чыккан командалар - "Кара-Ой Келечек" - "Төш Булак", "Алкан-Ата" - "Четинди", "Ак Суу" - "Тору Айгыр" жана "Көл-Төр" - "Соң Көл".

Ал эми бүгүн, 5-майда "Кабылан" - "Кара-Буура", "Атуул" - Жаш Күч", "Суусамыр Байтур" - "Аракет", "Ат Башы" - "Кыраан" командалары беттешти.

9-майда Жогорку Лигадагы “Ынтымак”, “Достук”, “Сары-Өзөн”, “Сары-Өзөн рассвет”, “Көк Жал” жана “Бакубат Талас” командалары арасында өзүнчө турнир өтөт.