КРнын Орусиядагы элчилиги кыргызстандык жарандын орусиялык футболчу тарабынан өлтүрүлүшү боюнча калыс иликтөө жүргүзүүнү Орусиядан өтүндү

Кыргызстандын Орусиядагы элчилиги кыргызстандык жарандын орусиялык футболчу тарабынан өлтүрүлүшү боюнча калыс иликтөө жүргүзүүнү Орусиянын укук коргоо кызматкерлеринен суранды. Орусиянын тергөө органдарынын маалыматына ылайык, аталган кылмыш ишин иликтөө ушул жылдын күз айларында аягына чыгат. Ал эми элчилик бул иштин калыс жүргүзүлүшүн катуу көзөмөлгө алган. Эске сала кетсек, ушул жылдын 23-майында Москва шаарында 1991-жылы туулган Кыргызстандын жараны А. Майлибаевди орусиялык футболчу Рекуднов Михаил бычактап салып, кыргызстандык жаран каза болгон. Бул факты боюнча “адам өлтүрүү” беренеси менен кылмыш иши козголуп, кылмышка шектүү убактылуу кармоочу жайга камалган.