Муфтият Орозо айындагы битир-садаганын баасын бекитти

2019-жылдын Орозо айында мусулмандардын канча өлчөмдө битир-садага берүүсү өлчөндү. Бекитилген бааны Мусулмандардын дин башкармалыгынын басма сөз кызматынан билдиришти.

"Садага-битирди берүү - (белгиленген өлчөмдө) ар бир колунда бар адамга милдет. Анткени пайгамбарыбыз (САВ) “садага-битирди чоң-кичинесине, аял-эркегине карабастан ар бир жан берүүсү керек” деп бекиткен", - деп билдирет Муфтият.

Жан башына 1 килограмм 600 грамм (буудай, ун, мейиз) же 3 килограмм 200 грамм (арпа, курма) же анын акчалай наркы берилет. Ар бир казыяттардын берген маалыматтарына таянып ар жан башына садага-битирдин 2019-жылдагы баасы төмөнкүдөй бекитилди.

Эскертүү: Садага-битир берүүчү адам жогоруда көрсөтүлгөн баалардын кайсынысынан чыгарса өз ыктыяры. Бей-бечара муктаждардын пайдасы үчүн көбүрөөгүнөн чыгаруусу абзел.

Баалардын туруксуздугуна байланыштуу, садага-битирди берген учурда 1 килограмм 600 грамм (буудай, ун, мейиз) же 3 килограмм 200 грамм (арпа, курма) баасына көңүл буруу керектиги эскертилет.