Эйфель мунарасынын жанында жайгашкан турак үй 220 миллион еврого сатыкка коюлду

Франциянын борбор калаасындагы Эйфель мунарасынын жанында жайгашкан турак үй сатыкка коюлду. Бул тууралуу чет элдик маалымат булактары жазып чыгышты.

Маалым болгондой, аянты 10 миң 500 чарчы метрди түзгөн 6 кабат үй 220 миллион еврого бааланган.

"Көп кабаттуу үй XV-XVII кылымдарда курулган. Андан Эйфель мунарасы жана Сена дарыясы көрүнүп турат. Коюлган баа эң акыркы баа эмес. Соодалашуу мүмкүнчүлүгү бар", - деп жазылат маалыматта.

Белгилүү болгондой, турак үй толугу менен франциялык улгайып калган эже-сиңдилерге таандык.

Эл аралык Knight Frank консалтинг компаниясынын маалыматына ылайык, 2019-жылы Париж шаары Мадрид жана Берлин шаарлары менен биргеликте дүйнөдөгү кыймылсыз мүлккө коюлган баасы эң жогорку шаарлардын катарына кирген. Бирок туристтердин арасында жүргүзүлгөн сурамжылоодо шаар конокторунун 29 пайызы Париж алар элестеткендей кооз эмес экенин белгилеп, Франциянын борбору теле экрандардан көрсөтүлгөндөн бир топ айырмаланарын айтышкан.