Ысык-Көлдөгү туристтик сезон 18-майда ачылат

Ысык-Көлдөгү туристтик сезон 18-майда ачылат. Бул тууралуу Маданият, маалымат жана туризм министрлигинин басма сөз кызматы билдирди.

Маалыматка ылайык, Ысык-Көлдө 18-майда туристтик сезон ачылып, ошону менен бирге эле эл аралык "Issyk-Kul ITF- 2019" туристтик жарманке-көргөзмөсү өтөт.

"Аталган жарманке-көргөзмөнүн негизги максаты башка өлкөлөр менен болгон туристтик байланыштарды түзүү болуп саналат. Иш-чарага катышуу үчүн бардык турагенттиктердин жетекчилери жана адистери, жалпыга маалымдоо каражаттарынын өкүлдөрү, туристтик компаниялар чакырылат", - деп жазылат маалыматта.

Жарманке-көргөзмөнүн жүрүшүндө ар кандай жолугушуулар, тегерек столдор өтүп, катышуучуларга өзүнүн компаниясы, долбоорлору жана кызматтары менен тааныштырууга мүмкүнчүлүк берилет.