Ош шаарында өтүп жаткан көк бөрү боюнча турнирде Кара-Кулжа жана Аксы курама командаларынын ортосунда уруш чыкты

Ош шаарында өтүп жаткан көк бөрү боюнча облустук турнирде уруш чыгып оюнчунун буту сынды. Бул тууралуу SUPER.KGге окуянын күбөсү билдирди.

Маалыматка ылайык, окуя Ош шаарында жайгашкан "Төлөйкан" ат майданында болгон.

"Кара-Кулжа району менен Аксы районунун курама командалары ойноп жаткан учурда уруш чыгып кетти. Алар аттар менен түртүшүп, бири-бирин камчы менен да ургулап жиберишти. Ызы-чууда Аксы курама командасынын бир оюнчусу аты менен жыгылган болчу. Аны "Тез жардам" кызматы алып кеткен", - дейт күбө.

Окуя оюндун 2-бөлүгү өтүп жатканда болгонун, калыстар тобу урушту токтотуп, оюн уланганын күбө кошумчалады.

Ал эми Көк бөрү федерациясынын маалымат кызматына байланышканыбызда бул окуя тууралуу азырынча маалыматы жок экенин билдиришти.