Орусиялык журналист Сергей Доренко мотоцикл башкарып бара жатканда каза болду

Орусиялык журналист Сергей Доренко каза болду. Чет элдик басылмалар журналист мотоцикл башкарып бара жатканда жүрөгү сокпой калганын жазып чыгышты.

"Говорит Москва" радио түйүнүнүн башкы редактору Сергей Доренко Москвадагы Земляной Вал көчөсүндө мотоцикл башкарып бара жатканда каршы тилкеге чыгып, жол четиндеги тосмону сүзүп кеткен. Жабырлануучу оор абалда ооруканага жеткирилген. Бирок дарыгерлер анын өмүрүн сактап кала алган эмес. Кийинчерээк белгилүү болгондой, журналист мотоцикл башкарып бара жатканда жүрөгү сокпой калган.

Сергей Доренко 1959-жылы Крымдагы Керчь шаарында төрөлгөн. Кийинчерээк ал Москвага көчүп келгенден кийин жергиликтүү телеканалдарда иштеген. 2014-жылдан баштап каза болгонго чейин "Говорит Москва" радиотүйүнүнүн башкы редактору болуп эмгектенген.