СИЗО, үй камагы... Азиз Батукаевдин бошотулушу боюнча кармалган 3 дарыгердин баш коргоо чаралары аныкталды

"Мыйзамдагы ууру" Азиз Батукаевдин ишин иликтөөнүн алкагында кармалган №47 колониянын борбордук ооруканасынын башкы дарыгери Фархад Атахожаев №1 СИЗОго 2 айга киргизилди. Мындай чечимди бүгүн, 11-майда Биринчи Май райондук соту чыгарды. Бул тууралуу SUPER.KG порталына өздүк булактар тастыкташты.

Маалым болгондой, Жазаларды аткаруу мамлекеттик кызматынын медицина санитардык башкармалыгынын мурдагы жетекчиси Акылбек Асанов жана Саламаттыкты сактоо министрлигинин кызматкери Канат Бектемиров үй камагына чыгарылды.

Буга чейин Батукаевдин иши боюнча дарыгер Эмил Макимбетов жана лаборант Ирина Цопова камакка алынган.

2013-жылдын 9-апрелинде Нарын шаардык соту Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен. 17-апрелде башкы прокурор Өткүрбек Жамшитов Жогорку Кеңеште отчёт берип жатып, "мыйзамдагы уурунун" иши январдан баштап кайра каралып жатканын билдирген.