2013-жылдын 6 айында Кыргызстанда 4105 үй-бүлө ажырашкан

2013-жылдын 6 айында Кыргызстандагы үй-бүлөлөрдүн ажырашуулары көбөйгөн. Бул тууралуу бүгүн, 31-июлда Мамлекеттик каттоо кызматынын төрагасынын орун басары Эльбира Теңизбаева коллегия учурунда билдирди. Айтымында, 6 ай ичинде ажырашуу боюнча 4105 акт катталса, 2012-жылдын ушул мезгилинде ажырашуу боюнча 3721 акт катталган. Ошондой эле ал ушул жылдын 6 айында өткөн жылга салыштырмалуу үй-бүлө кургандардын саны көбөйгөнүн да билдирди. Жыл башынан бери үй-бүлө кургандардын саны 22 823кө жеткен.