Кыргызстанда 1 чек арачынын тамак-ашы үчүн күнүнө 60 сом бөлүнөт

Кыргызстанда чек арачылардын тамактануусуна күнүнө 160-170 сомдон зарыл болгону менен, учурда бир чек арачыга 60 сомдон бөлүнөт. Бул тууралуу Мамлекеттик чек ара кызматынын төрагасы Курманакун Матенов бүгүн, 31-июлда билдирди. “Аскер кызматкерлерин тамактандыруу 60 сомдук деңгээлде каржыланат. Бирок биз чек арачыларды өзүбүздүн норма боюнча 160-170 сомдук деңгээлде тамактандырабыз. Буга байланыштуу Чек ара кызматынын тамак-ашка болгон карызы 47 миллион сомду түзөт”,- деди ал.