Бишкекте мектеп окуучусун Хонда Фит сүзүп кетти

Бишкектин Чыңгыз Айтматов жана Москва көчөлөрүнүн кесилишинен мектеп окуучусун жеңил унаа сүзүп кетти. Бул маалыматты шаардык жол кыймылынын коопсуздугун камсыздоо башкармалыгы тастыктады.

Маалыматка ылайык, жол кырсыгы бүгүн, 14-майда саат 18:30 чамасында катталган.

"Хонда Фит унаасынын айдоочусу М.Ж. Чыңгыз Айтматов көчөсү менен келе жатып, жөө жүргүнчүлөр өтүүчү жолдо окуучуну сүзүп кеткен. Окуя болгон жерге "Тез жардам" унаасы келип, окуучуну №3 балдар ооруканасына алып кеткен. Ал эми бул факты Кылмыштардын жана жоруктардын бирдиктүү реестрине катталып, унаа айып короосуна токтотулду. Учурда тийиштүү иштер аткарылууда", - деп билдирет басма сөз кызматы.