Бишкекте К-рор фестивалынын жеңүүчүлөрү аныкталды

Бишкекте 18-майда К-рор фестивалынын финалы орун алып, жеңүүчүлөрү аныкталды. Анда катышуучулар дүйнөгө жайылып бара жаткан К-рор жанрындагы ырларды аткарып, бий өнөрлөрүн тартуулашты. Сынакта Түштүк Кореядагы белгилүү BTS, Blackpink, Itzy жана башка бир катар топтордун ырлары жаңырды. Жыл сайын өтүп жаткан фестивалдын катышуучулары быйыл да костюмдары, ыр жана бий программалары менен көрүүчүлөргө жагымдуу маанай тартуулашты. Сынакта битбокс менен өзгөчөлөнгөн F.P. studio бийчилер тобу баш байгени утуп алышты. Алар К-рор стилиндеги бийинде кореялык ырчылардын бийине гана окшоштурбастан өзүнүн хореографиясын кошконун көрүүгө болот. Жеңүүчү болгон топ номерине ырчы PSY, BTS жана Blackpink топторунун популярдуу ырларын кошушкан.