Кыргыз Премьер-Лигасы: "Дордой" 3-жолу пенальти аткарганына карабай өз талаасында "Алайдан" жеңилип калды

Бүгүн, 19-майда футбол боюнча Кыргыз Премьер-Лигасынын 7-турунун алкагында Бишкектин "Дордой" клубу Оштун "Алай" командасын кабыл алды.

Борбор калаадагы Дөлөн Өмүрзаков атындагы стадиондо орун алган беттеште коноктор 3:4 эсебинде жеңишке жетишти.

Оюндун 8-мүнөтүндө 11 метрлик айып соккудан Антон Землянухин эсеп санын ачты. Ал эми 16-мүнөттө Акрамжон Умаров эсепти теңеди. 30-мүнөттө Дмитрий Островский конокторду алдыга алып чыкса, 35-мүнөттө Жоел Кожо эсепти 3:1ге жеткирди.

56-мүнөттө "Алайдын" дарбазасына 2-жолу пенальти дайындалып, бирок бул ирет Землянухин топту дарбазадан жогору багыттады. 74-мүнөттө Кайрат Жыргалбек уулу бир гол жаратып эсепти кыскарта алды. Ал эми 80-мүнөттө "Дордойдун" пайдасына 3-пенальти дайындалып, Вахыт Оразсахедов эсепти теңеди. Бирок 1 мүнөт өткөндөн кийин Жоел Кожо кайрадан гол жаратып, конокторду алдыга алып чыкты. Жыйынтыгында оюн 3:4 эсеби менен "Алай" клубунун пайдасына чечилди.