Бүгүн депутаттар Жалал-Абаддагы жана Сузактагы ооруканалардын жана мектептердин абалын талкуулашат

Бүгүн, 20-майда Жогорку Кеңештин Бюджет жана финансы боюнча комитетинин көчмө жыйынында Жалал-Абад шаарынын жана Сузак районунун билим берүү мекемелеринин абалы жана көйгөйлөрү тууралуу маалымат угулат. Бул тууралуу парламенттин басма сөз кызматы билдирди.

Маалым болгондой, жыйынга баяндамачы катары Жалал-Абад шаарынын мэри Мураталы Тагаев жана Сузак районунун акими Эрмек Омошев чакырылган.

Көчмө отурумунда Жалал-Абад шаарынын жана Сузак районунун аймагындагы медициналык жана жалпы билим берүү мекемелеринин абалы жана көйгөйлөрү, республикалык бюджеттен курулуп жаткан курулуштар жана алардын учурдагы каржылануусу тууралуу маселе каралмакчы.