28 жаштагы Тилек Токтогазиев айыл чарба министри кызматына өзүнүн талапкерлигин сунуштады. Ал кандай иштери менен белгилүү?

28 жаштагы ишкер Тилек Токтогазиев айыл чарба, тамак-аш өнөр жайы жана мелиорация министри кызматына өзүнүн талапкерлигин сунуштады. Ал айыл чарба тармагында кардиналдуу реформаларды ишке ашырууга жоопкерчиликти алууга даяр экенин билдирди.

"Биздин жүз миңдеген дыйкандарга окшоп өзгөрүүлөрдү күтө бергенден тажадым. Мен кандай реформалар керек экенин билем. Айыл чарба министрлигинин башкы максаты жана пайдалуулугунун белгиси дыйкандардын бакубаттуулугу болуш керек. Инновациялык технологияларды колдонгон бай дыйкан өзүнүн продукциясынын баасын түшүрө алат, кошуналарын иш менен, элди экологиялык таза продукциялар менен камсыздай алат", - деп жазды ал.

Ишкер Тилек Токтогазиев алгачкы миллион сомун 22 жашында тапканы жана чоң күнөсканаларды куруп иштетип жатканы менен коомчулукка белгилүү.