Бишкекте жигитти сабап өлтүрдү деген шек менен 23 жаштагы жаран колго түштү

Бишкек шаарында жигитти сабап өлтүрдү деген шек менен 23 жаштагы жаран колго түштү. Бул тууралуу бүгүн, 25-майда Бишкек ШИИББинин басма сөз кызматы билдирди.

Маалыматка ылайык, быйыл, 3-мартта 21 жаштагы Т.У. аттуу жигит Бишкектин көчөлөрүнүн биринде оор абалда жаткан жеринен табылган. Ал ооруканага жеткирилген. Ага дарыгерлер баш мээси жабыркаган деген диагноз коюшкан. Жигит өзүнө келбей 10-мартта каза болгон. Адам өлтүрүүгө шектелип 23 жаштагы Б.А. аттуу жаран кармалды. Ал Бишкек ШИИББинин убактылуу кармоочу жайына киргизилди. Бул боюнча сотко чейинки тергөө иштери башталды.