Кант шаарында "өз атасын өлтүрдү" деп айыпталып 26 жаштагы жаран кармалды

Кечээ Кант шаарында өз үйүнүн жанынан 56 жаштагы Т.Анын бычакталып өлтүрүлгөн денеси табылган. Кылмыштын изи сууй электе Ысык-Ата райондук ИИБинин кызматкерлери тарабынан киши өлтүрүүгө шектелип маркумдун 26 жаштагы уулу Т.П. кармалды. Ал спирт ичимдигин ичип жаткан жеринен колго түшүрүлгөн. Бул факты боюнча КРнын Кылмыш кодексинин 97-беренеси (киши өлтүрүү) боюнча кылмыш иши козголду. Маалым болгондой, кылмышка араздашуу себепчи болгон. Учурда айыпталуучу убактылуу кармоочу жайга киргизилип, тергөө жүрүүдө.