Нарында жол куруп иштеген кытайлар 4 кыргызды сабап салышты

31-июлда Нарындын Туз-Бел ашуусунда жол кырсыгы катталды. Жабырлануучу, 1992-жылы туулган Кулубек уулу Темирбек Кочкор районунун тургуну болсо, аны сүзүп кеткен айдоочу кытайлык “Чайна роуд” жол-курулуш компаниясынын кызматкери болгон. Кырсыкка себепкер кытай айдоочусу окуя болгон жерден качып кетүүгө аракет кылган. Бирок аталган компанияда иштеген 4 кыргыз жараны аны кармап калууга аракет кылышып, ортодо жаңжал чыкты. Аталган 4 жаранды жол куруп иштеген башка кытай жумушчулары сабап салышкан. Жаңжал чыккан жерге “Чайна роуддагы” кыргыз жумушчулары менен бирге 50-60тай жергиликтүү тургундар топтолушуп, окуя болгон жерге аймактагы чек арачылар келишип, жаңжалды токтотуп калышты. Азыркы тапта чек арачылар жергиликтүү элге түшүндүрүү иштерин жүргүзүүдө. Унаа сүзүп кеткен жаран ар кандай жаракаттарды алган, азыр абалы канааттандырарлык. Ал эми кытайлардан токмок жеген 4 кыргыз медициналык жардам алышып, абалдары жакшы экенин Чек ара кызматы кабарлады.