Парламентте өкмөт мүчөлөрүнүн талапкерлиги жактырылды

Бүгүн, 29-майда Жогорку Кеңеште өкмөт мүчөлөрүнүн талапкерлиги жактырылды.

Премьер-министр Мухаммедкалый Абылгазиев депутаттарга талапкерлерди колдогондору үчүн ыраазычылык билдирди. "Талапкерлерди колдогонуңуздарга ыраазычылык билдиребиз.Мен сунуштаган талапкерлерди колдоп бердиңиздер. Ишенимиңиздерди актаганга аракет кылабыз", - деди премьер-министр.

Айыл чарба, тамак-аш өнөр жайы жана мелиорация министрлигине Эркинбек Чодуевдин, экономика министрлигине Санжар Муканбетовдун, Маалыматтык технологиялар жана байланыш комитетинин төрагалыгына Дастан Догоевдин, өкмөттүн аппарат жетекчилигине Самат Кылжыевдин талапкерлиги жактырылды.