Январь-апрель айларынын аралыгында республикалык бюджеттин чыгашасы 39 миллиард 401 миллион сомду түздү

Республикалык бюджеттин чыгашасы 2019-жылдын январь-апрель айларынын аралыгында 39 миллиард 401,8 миллион сомду, анын ичинен бюджеттик каражаттар 35 миллиард 361,2 миллион сомду түздү. Бул тууралуу Финансы министрлигинин басма сөз кызматы билдирди.

Маалыматка ылайык, өткөн жылдын бирдей мезгилине салыштырганда республикалык бюджеттин чыгашалары 3 пайызга же 1 миллиард 199,8 миллион сомго азайды.

"Бюджеттик чыгашалар боюнча бюджеттик мекемелерден келип түшкөн бардык өтүнмөлөр (анын ичинде эмгек акы, Социалдык фондго чегерүүлөр, дары-дармектер, тамак-аш, жөлөк пулдар, стипендиялар, мамлекеттик карыз боюнча пайыздарды төлөп кутулуу беренелери боюнча) толук көлөмдө канааттандырылды. Ошону менен бирге бюджеттик мекемелер тарабынан кассалык чыгымдар 2019-жылдын май айына алып өтүлгөн кассалык пландын суммаларына караганда 2 миллиард 486,3 миллион сомго аз жүргүзүлдү", - деп жазылат маалыматта.