Ошто жол кырсыгынан "Ынтымак" телеканалынын 32 жаштагы кызматкери каза болду

Ош шаарында Озгур айылына бара жаткан жолдо эки унаа сүзүшүп, бир адам каза болду. Бул тууралуу Ош ШИИБинин басма сөз кызматы билдирди.

Маалыматка ылайык, жол кырсыгы 1-июнь күнү болжолдуу саат 16:30 чамасында катталган. Анда Озгур айылынын тургундары Матиз унаасы менен шаардан Озгур айылына бара жатканда Мерседес-Спринтер маршруттук такси менен сүзүшкөн.

"Матиз унаасында жубайлар бара жаткан. Рулду башкарган айдоочу уктап кетип кырсыкка кабылган. Мындан улам эки унаадан 4 адам жабыркаган. Алар ооруканага жеткирилип, алардын ичинен Матиз унаасында бара жаткан 32 жаштагы аял каза болгон. Жабыркагандардын аты-жөнү такталып, каза болгон аял "Ынтымак" телеканалынын кызматкери Замира Таштанбекова экени аныкталган. Учурда унаа айып короосуна токтотулуп, тергөө иштери башталды", - деп билдирет Ош ШИИБинен.

Каза болгон аялдын артында 5 баласы калды.

SUPER.KG порталынын эмгек жамааты Замира Таштанбекованын дүйнөдөн кайтканына байланыштуу үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.