Парламенттин социалдык комитетинин жыйыны кворум жоктугуна байланыштуу бүгүн өтпөй калды

Бүгүн, 3-июнда Жогорку Кеңештин Социалдык маселелер, билим берүү, илим, маданият жана саламаттыкты сактоо боюнча комитетинин кезектеги жыйыны өтмөк. Бирок кворум жок болуп, жыйын кийинкиге жылдырылды.

Комитеттин төрайымы Гүлкан Молдобекова: "Көп депутаттар аймактарда болгондуктан кворум жок. Бүгүнкү жыйынды кийинкиге жылдыруу чечимин кабыл алалы", - деп сунуштады.

Комитет жыйынына келген депутаттар бул сунушту колдоп, натыйжада жыйын кийинкиге жылдырылды.

Комитет жыйынында топтолмо пенсиялык фонддор, насыялык маалымат алмашуу, Социалдык фонд боюнча мыйзам долбоорлору каралмак.