Супер-Инфо
super.kg видео
Экс-башкы прокурор Аида Салянова кармалды. ИИМ маалыматты четке какты
Мурдагы Башкы прокурор Аида Салянова кримтөбөл Азиз Батукаевдин абактан мыйзамсыз бошотулушу боюнча кайрадан каралып жаткан иштин негизинде кармалды. Мындай маалыматты юрист Искендер Афиджанов социалдык тармактагы баракчасына жарыялады.
"Мен учурда ИИМдин имаратынын жанында турам. Азыр Аида Салянова Батукаевдин иши боюнча кармалды", - деп билдирди ал.
Бул тууралуу ИИМдин басма сөз кызматына кайрылганыбызда "маалымат так эмес, азырынча белгисиз" деген жоопту айтышты.
Аида Салянованын жанында болгондор бүгүн түшкү саат 15:00дөн бери Салянова суракка алынып, ошондон бери чыга электигин айтышты.
Мындан 6 жыл мурун Нарын шаардык соту Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен болчу.
16-майда Батукаевди мыйзамсыз бошотуу боюнча мурдагы саламаттыкты сактоо министри Динара Сагинбаева менен Жазаларды аткаруу мамлекеттик кызматынын төрагасынын мурдагы кеңешчиси Калыбек Качкыналиев СИЗО-1ге киргизилген. Ага чейин Батукаевдин иши боюнча дарыгер Эмил Макимбетов жана лаборант Ирина Цопова камакка алынган. Андан кийин дагы 3 дарыгердин бул иш боюнча баш коргоо чарасы каралып, тергөө абагына киргизилген. 21-майда мурдагы вице-премьер министр Шамиль Атаханов да кармалып, 26-июнга чейин камакка алынган.
Экс-башпрокурор Аида Салянова кармалды
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
2
2
Жакын арада Жээнбеков дагы камалат. Жэ Жээнбеков качат.