Айлана-чөйрөнү коргоо жана токой чарба агенттигинин айрым жетекчилери кызматтан бошотулушу мүмкүн

Тапшырмаларды өз убагында жана сапаттуу аткара албагандыгы үчүн Айлана-чөйрөнү коргоо жана токой чарба мамлекеттик агенттигинин бир катар жетекчилери кызматынан бошотулушу мүмкүн. Бул тууралуу 1-августта аталган агенттиктин басма сөз кызматы билдирди. Мындай чечим 2013-жылдын 31-июлунда агенттикте өткөн жыйнында кабыл алынды. Иште кетирилген кемчиликтери үчүн 50гө жакын кызматкер административдик жоопкерчиликке тартылды. Ал эми 4 кызматкердин кызматтык жоопкерчилиги боюнча иликтөө иштери жүрүүдө.