Ороктогу жаңжалга байланыштуу Бишкек милициясы күчөтүлгөн тартипке өттү

Бүгүн, 5-июнда Чүй облусунун Орок айылында орун алган жаңжалга байланыштуу Бишкек шаардык милициясы күчөтүлгөн тартипке өттү. Бул тууралуу SUPER.KG порталына өздүк булактар билдиришти.

Чүй ОИИББинин маалыматы боюнча, бүгүн болжол менен 08:30 чамасында Орок айылында жайгашкан мечиттен Айт намазы окулуп, андан чыгып бара жаткан 3 өспүрүм бала бири-бири менен уруша кетишкен. Анда 2 өспүрүм бала 1 баланы жалгыздап сабап салышкан. Ал эми жабыркаган бала ооруканага жеткирилген. Мындан соң урушуп кеткен балдардын туугандары 2 тарап болуп нааразычылык акциясына чыгышкан. Бул учурда 2 тараптан мыйзамга жат келген иш-аракеттер жасалып, 15 үйдүн терезелери талкаланып, чөп жыйылып турган 1 сарай өрттөлгөн. Буга шектелип 30дай киши Сокулук РИИБине жеткирилген.