Кыргыз өлкөсүндө алтын иштетүүгө 470 лицензия берилгени айтылды

Кыргыз өлкөсүндө алтын иштетүүгө 470 лицензия берилгени айтылды. Бул тууралуу бүгүн, 7-июнда маалымат жыйынында Өнөр жай, энергетика жана жер казынасын пайдалануу мамлекеттик комитетинин төрагасынын орун басары Мырза Жаманбаев билдирди.

“Темир боюнча 106, көмүр – 327, кен – 145, газ жана мунай – 59, суу – 413 лицензия берилген. 2 400 лицензиянын ичинен иштетүүгө 1270, чалгындоого – 917, кайтарылгандар – 163, четке каккандар – 134, өз ыктыяры менен кайтарылгандар – 7, канааттандыргандар – 2, каралбагандар – 2”, - деди ал.

Бүгүн Өнөр жай, энергетика жана жер казынасын пайдалануу мамлекеттик комитети 2019-жылдын үч айында аткарган иштери тууралуу маалымат берди.