Валентина Шевченко Жессика Айды жеңгени үчүн 300 миң долларга ээ болду

9-июнда өткөн "UFC 238" мелдешинин катышуучуларынын канча суммадагы гонорарга ээ болгону белгилүү болду. Бул тууралуу чет элдик басылмалар жазып чыгышты.

Маалым болгондой, мелдештин эң көп гонорарына чемпиондук беттештин жеңүүчүсү Генри Сехудо ээ болгон. Анын сый акысы 440 миң долларга жеткен. Ал эми 2-орундагы Кыргыз мушкери Валентина Шевченко мелдешке катышканы үчүн 105, жеңишке жетишкендиги үчүн 105, жогорку деңгээлдеги көргөзгөн оюну үчүн кошумча 50 жана 40 миң доллар бонуска ээ болуп, жалпы 300 миң доллар алган. Шевченконун атаандашы Жессика Айдын гонорары 130 миң долларга жеткен.

"UFC 238" мелдеши АКШнын Чикаго шаарында өттү. Анда Кыргыз мушкери АКШлык Жессика Айды 2-раундда нокаутка учуратып, эң жеңил салмактагы UFC`нин чемпиондук курун коргоп калды.