Вице-премьер эл аралык экономикалык Петербург форумуна катышты

Вице-премьер-министр Жеңиш Разаков эл аралык экономикалык Петербург форумуна катышты. Бул тууралуу өкмөттүн басма сөз кызматы билдирди.

Маалыматка ылайык, вице-премьер-министр форумдун ачылыш салтанатына жана Орусиянын президенти Владимир Путиндин катышуусундагы пленардык жыйынга катышты.

Форумдун алкагында Катар тараптын демилгеси менен Жеңиш Разаков Катардын тышкы иштер министри Мухаммед бен Абдулрахман бен Жассим Аль-Тани менен жолугушту.

Диалогдун жүрүшүндө тараптар Кыргыз-Катар соода-экономикалык жана маданий-гуманитардык тармактардагы кызматташтыгынын актуалдуу маселелерин талкуулашты. Ошондой эле эки жактуу өкмөттөр аралык комиссиянын иши боюнча маселелерди талкууга алышты.