Супер-Инфо
super.kg видео
Кош, катаракта! Катарактаны алып таштоо жөнүндө эмнени билүү керек?
Бул оору адатта 50-55 жашта башталат, ал эми 70 жаштын айланасында чечекей тунарып, көрүү жоголушу мүмкүн. Катарактага чалдыккан учурда көрүүнү операция жолу менен кайра калыбына келтирсе болот. Операция – ультраүндүк факоэульсификациялоо интраокулярдык аркылуу интроакулярдык линзаны (ИОЛ) имплантациялоо деп аталат. Мында: операция учурунда көздө өзү герметизациялануучу 2 миллиметр микрокесик жасалып, ал аркылуу тунарган чечекей ультраүндүн жардамы менен эмульсия абалына жеткенче кылдат майдаланылат да, өтө ичке түтүк аркылуу көздөн сордурулуп алынат. Чечекейдин ордуна анын жасалма жумшак аналогу – ийкемдүү, “түтүк” сыяктуу түрүлгөн ИОЛ киргизилет. ИОЛ форманы эсине сактап калууга жөндөмдүү: ал көздүн ичинде өз алдынча жайылып түздөлөт жана ишеничтүү бекемделет. Операция учурунда бейтап эч кандай ооруну сезбейт. Ооруну басаңдатуу абдан жеңил – көзгө дары тамчылатуу аркылуу ишке ашырылат. Мындан кийин көз 20 мүнөткө чейин эч нерсени сезбей калат, бейтап болсо эс-учун жоготпойт жана дарыгер менен сүйлөшүүгө мүмкүндүгү бар.
Катарактаны алып таштоо боюнча операция медицина чөйрөсүндөгү эң натыйжалуу операциялардын бири болуп саналат. Пациенттин көрүүсү ал операция столунда жатканда эле калыбына келе баштайт. Анын жакшы маанайда болуп, өзүн бактылуу сезгенин көргөн офтальмохирургдар өз ишинин натыйжасына кубанышат.
Бейтаптардын кубанычына жолтоо боло турган бир гана себеп – операциянын баасынын өтө жогорулугу. Бирок клиника абдан каалаган күндө дагы, операцияны арзандатууга эч мүмкүндүк жок. Анткени факоэмульсификациянын баасынын көпчүлүк бөлүгүн ИОЛдун наркы түзөт.
Заманбап интраокулярдык линзалар – жогорку технологиянын продуктусу! Акрилдин жумшак бөлүкчөсүнүн көздүн ичинде чыныгы хрусталиктин кызматын өмүр бою аткарышы үчүн кандай гана космостук технологиялар колдонуларын элестете аласызбы?! Хрусталиктин бардык касиеттерин жасалма материалдын бөлүкчөсүндө кайра жаратуу татаал гана эмес, фантастика менен чектелүүчү иш. Буга чейин алысты же жакынды гана көрүүнү калыбына келтирүүчү ИОЛдун түрлөрү бар болчу. Азыркы учурда универсалдуу, адамдын табигый көрүүсүнө максималдуу жакындатылган интраокулярдуу линзалар иштелип чыкты. Албетте, таанымал америкалык жана швейцариялык компаниялар тарабынан иштелип чыккан монофокалдуу ИОЛдордун баасы өтө жогору болуп жаткандан кийин, мультифокалдуу премиум-моделдердин канчалык кымбат болору түшүнүктүү... Факоэмульсификациялоонун наркын төмөндөтүүнүн бир гана жолу бар – арзан ИОЛду колдонуу. Бирок мындай учурда операциянын эч мааниси болбой калат! Өзүңүз ойлоп көрүңүз: сапаты төмөн ИОЛду коюш үчүн жогорку технологиялуу операцияны жасоонун эмне пайдасы бар?! Бул “жалган үнөмдөө” болуп калат, өз аброюн баалаган клиникалар мындай операцияны жасоого барышпайт. Чыгынып, биротоло жасалып жаткандан кийин бул операция – өтө жоопкерчиликтүү иш. Адамдын көздөрү канчалык баалуу!
Ошондуктан “Офтальмологиялык лазердик борбор” сыяктуу көрүнүктүү клиникаларда бренддик гана ИОЛдорду колдонушат. Бейтап буга өзү ынанса болот: ар бир ИОЛ иштеп чыгаруучунун паспорту менен коштолот, паспортто анын сериялык номери жана бардык көрсөткүтөрү жазылат.
Операциянын ийгилиги түздөн-түз хирургдун тажрыйбасы жана жабдуулардын деңгээли менен түздөн-түз байланыштуу болот. Тажрыйбалуу врач гана кымбат баалуу жогорку технологиялык жабдууну колдонгондо жогорку деңгээлдеги натыйжа келип чыгат. Мындан ары дүйнөлүк деңгээлдеги офтальмологиялык медициналык жардам алуу үчүн чет өлкөгө баруунун зарылдыгы жок: Кыргызстанда техникалык жабдылышы боюнча дүйнөдөгү алдыңкы клиникалардан калышпаган негизги клиника бар – бул “Офтальмологиялык лазердик борбор”. Андагы бардык операциялык жана диагностикалык жабдуулар - дүйнөлүк лидерден алынган жана “жапжаңы”, башкача айтканда, акыркы муундагы CENTURION (R) Vision System (Alcon, АКШ) ультраүндүү факоэмульсификаторлору, LuxORTM LX3 (АКШ), Oculyzer II жана VARIO (WaveLight AG Германия) диагностикалык лазерлери, ошондой эле Topo – LASIK-SBK (ContouraTM Vision) операциялык лазерлери. Мындай деңгээлдеги жабдуулар, атүгүл кыргызстандык медтуристтер жактырып баруучу Турциянын жана Индиянын бардык эле офтальмологиялык клиникаларында жолуга бербейт. Ошол эле убакта бул өлкөлөрдө дарылануу кымбатыраак турат.
Мындай жабдуулар Батыш Европанын жана АКШнын алдыңкы клиникаларында, ал эми биздин өлкөбүздө – бир гана “Офтальмологиялык лазердик борбордо” колдонулат. Офтальмохирургтардын профессионалдык деңгээли өтө жогору. Клиникада ысымдары дүйнөгө таанымал болгон дарыгерлер, медицина илимдеринин кандидаттары, катаракталык жана рефракциялык хирургдардын Европадагы Ассоциациясынын (ESCRS) мүчөлөрү Ким Владимир Ухенович жана Ремесников Игорь Александрович операцияларды жасашат.
Катарактаны алып таштоо операциясы боюнча муну билүү абдан маанилүү: мүмкүн болушунча эртерээк кайрылыңыз! Операцияны создуктурбаңыз! Мурда, факоэмульсификациялоо пайда боло электе, катарактаны алып таштоо үчүн анын “жетилишин” күтүү керек болчу. Классикалык операцияга ылайык көздүн жарымына чейин кесип, ал аркылуу тунарган чечекей толугу менен алынып чыгарылчу. Адамдар болсо, операцияга чейин ондогон жылдар бою катарактанын чел кабыгы көздөрүн каптаган абалда, туманда жүргөн сыяктуу жарым-жартылай көрүп, сокурлукка чейин жетишчү. Хирургга келгенде, катаракта күчөп, глаукомага айланып кеткен учурлар көп кездешчү. Ал эми улгайып калган куракта кандай гана операция болбосун, организм үчүн оор сыноо... Азыркы учурда дүйнөнүн бардык цивилизациялуу өлкөлөрүндө көрүүнүн курчтугу 30 пайыздан төмөндөгөндө, операция кылуу боюнча маселени көтөрүшөт. Балким, дүйнөдөгү туристтердин көпчүлүгүнүн пенсионерлер экендигинин себеби ушунда чыгар!
Катарактанын сизди көрүүдөн ажыратышына жол бербеңиз, операцияны создуктурбаңыз!
КӨЗҮҢҮЗДӨГҮ КАТАРАКТАНЫН ЧЕЛ КАБЫГЫНАН БАШ ТАРТЫҢЫЗ!
Дареги: Бишкек ш., Чынгыз Айтматов пр., (мурдагы Тынчтык проспекти) 299/1. Биздин байланыш: 0312 97 60 07, 0704 00 91 93, 0559 013 025, 0770 099 100
E-mail: info@olc.kg Сайт: www.olc.kg @olc_bishkek Fb @olc.kg
ОЛЦнын пациенттеринин пикирлерин www.olc.kg сайтынан жана YouTube OLC Bishkek каналынан караңыз. https://www.youtube.com/channel/UCTbQeT74huJL-7JY7_qQSiw
кошулду
0
1-бейтап коздун кандай оруусу менен ооруйт
2-жана канчалык отуштуруп(кечиктирип) жиберди
3- операцияны канчалык тажрыйбасы бар хирург жасады
4- кандай ыкма менен, кандай шартта жана кандай аппаратурада жасады. Эгерде жаны аппаратура менен жакшы шартта, жаны ыкма менен, тажрыйбалуу хирург жасаса коздун коруусу омурунуздун аягына чейин сизге кызмат кылат.
Саламатсызбы. Кант диабетинин 2-туру менен ооругандардын да козуно операция жасаса болот. Операциянын жыйынтыгы кант диабети коздун сетчаткасын канчалык даражада жабыркатканына туздон-туз байланыштуу.