Жогорку Кеңеште электрондук петиция ыкмасын киргизүү сунушталууда

Бүгүн, 11-июнда Жогорку Кеңештин комитет жыйынында депутат Аида Касымалиева электрондук петиция ыкмасын киргизүү боюнча маселени сунуштап жатат.

Маалыматка ылайык, петиция Кыргыз Республикасынын 5 миңден кем эмес жарандын Жогорку Кеңешке чогуу кайрылуусу болуп эсептелет. Аида Касымалиева билдиргендей, Кыргыз өлкөсүнүн 18 жашка чыккан жарандары петиция укугуна ээ болушат. "Кагаз же электрондук түрдөгү петицияга 5 миңден кем эмес жаран кол койсо, ал Жогорку Кеңештин комитетинин милдеттүү кароосуна коюлат. Ал эми 10 миңден кем эмес жаран кол койсо, ал Жогорку Кеңеште милдеттүү түрдө каралышы керек", - дейт Касымалиева.

Депутат Иса Өмүркулов петиция боюнча таратылган колдонмолор ким тарабынан каржыланып жатканын сурады. Касымалиева демилге аныкы экенин айтты. "Колдонмону, коомдук угууларды өткөргөнгө парламент менен иштешкен Парламентаризмди өнүктүрүү долбоору менен иштешип жатабыз. "Ачык өкмөт" программасы боюнча дагы сунуштарды алып келебиз", - дейт Касымалиева.