Нарын. Солтон-Сары жайлоосунда малчылар майрамдашты

Нарын районундагы Солтон-Сары жайлоосу

Солтон-Сарыны байырлаган чабандардын койлору жайыт бетинде

Малчылардын майрамында оюн көргөнү чогулгандар

Алыс-жакындан коноктор келишип, малчылардын майрамын көркүнө чыгарышты

Коомдук коопсуздукту көзөмөлдөөчүлөр бийиктен баарына көз салып турушту

Оюндар башталар алдында

Көрүүчүлөр бийигирээк жерден орун алып жатышты

Мачылар, алардын уул-кыздары

Алгач кыз куумай оюну башталды. Шамалдай сызган күлүктөр артынан чаң чыгарып бара жатат

Кыз куумай. Көбүнчө кыздар активдүүлүк көрсөтүшүп жигиттерге жеткирбей жатышты

Көбүнчө кыздар активдүүлүк көрсөтүшүп жигиттерге жеткирбей жатышты

Көбүнчө кыздар активдүүлүк көрсөтүштү

Кыз куумайда жеңген кызга акчалай сыйлык тапшырылууда

Чокусунан мөңгү кетпес Нарындын тоолору

Кыргыз күрөшү көпчүлүктүн кызыгуусун арттырып, көрүүчүлөр балбандарды коштоп-сүрөп турушту

Балбанды балбан жыкты

Кезектеги жеңүүчү балбандын байгеси - куйруктуу козу

Эр эңиш. Жоон билек балбандар тер куюлганча кармашып жатышты

Көк бөрүчүлөр оюндун башталышын гана күтүп турушат

Көрүүчүлөр ар бир оюнга шаң кошуп, кыйкырык-сүрөөн салып турушту

Кезек салбуурунда

Карышкыр менен тиш салышкан тайган Кайтпас

Сабуурун уланууда

Нарын облусунун башчысы Канатбек Муратбеков жана Нарын районунун акими Түгөлбай Жанбоев малчыларды куттукташты

Малчыларга сыйлыктар тапшырылды

Жеңүүчүлөрдү сыйлоо аземи. Көк бөрү оюнунда жеңүүчү командага 15000 сом жана 1 кой берилди

1-августта Нарын облусунун Солтон-Сары жайлоосунда Нарын районуна караштуу айыл өкмөттөрдүн малчылары жылдагыдай өздөрүнүн майрамын белгилешти. Жайлоого 6 айыл өкмөттүн малчылары чогулуп, эр эңиш, кыргыз күрөшү, көк бөрү, тыйын эңмей, кыз куумай сыяктуу улуттук оюндар орун алды. Майрамды уюштурууга облустун өнүктүрүү фондунан 100 000 сом бөлүнгөн. Жеке ишкерлерден бөлүнгөн 50 000 сом, айрым малчылардан кой, козулар байге фондун түздү.