Жогорку Кеңеште Эсептөө палатасынын төрагасынын отчётун угуу башка күнгө жылдырылды

Бүгүн, 13-июнда Жогорку Кеңештин жыйынында Кыргыз Республикасынын Эсептөө палатасынын 2018-жылдагы иши жөнүндө төраганын отчёту угулмак. Бирок убакыттын тардыгынан улам башка күнгө жылдырылды.

Борбор калаада Шанхай кызматташтык уюмунун саммитине байланыштуу Кыргыз улуттук филармониясында саат 19:00дө жыйынга расмий иш сапары менен келген президенттердин катышуусундагы иш-чарага айрым депутаттар катыша тургандыктан бул чечим кабыл алынды.